BOMBA DE AUGA, BOCINA ROBÓTICA E
COCHE DE AIRE
O xoves 28 de febreiro o alumnado de sexto de primaria fixeron un obradoiro
de construción de aparellos que funcionaran con diferentes enerxías: auga, pilas e aire. Foi do máis
entretido e aprenderon algo máis da temática traballada este curso por todo o
centro “a enerxía”.
Empezaron por ler ben as instrucións
antes de poñerse a construír e logo …
Mar e Izan fixeron a “bucina
robótica” que constaba de cono, pito, tapa, chasis, caixa de engrenaxe,
motor, porta pilas, interruptor e conectores. E seguiron esta orde: colocaron a bucina no
cono de plástico, a tapa por encima do
pito, o cono dereito no chasis, o motor na caixa de engrenaxes ata encaixalo,
as engrenaxes no chasis, os conectores ao chasis, os cables aos conectores, as
pilas e empuxaron o interruptor á dereita para arrancar. E xa tiñan un coche
que andaba con pilas e ademais este tocaba a bucina.
Nina, Elías e Denis fixeron o coche
propulsado por aire. Igual que os compañeiros leron primeiro as instrucións
e logo empezaron a colocar as pezas que son: Chasis con rodas, soporte de
plástico, conduto de aire, ala de plástico, boquilla, tubo longo de plástico,
globo e bomba de inflado. Fixan o soporte de plástico no chasis, colocan o
conduto de aire no burato do soporte de plástico, conectan un extremo da
boquilla no tubo longo,conectan a bomba, instalan o globo … Cando rematan
danlle aire ao globo coa bomba e cando soltan esta o globo empeza a soltar aire
e como reacción o coche sae disparado.
Alexis, Paula e Dael montan a “bomba
de auga” a base de moitos boquillas, tubos, bases flotantes,… e acaban
poñendo o aparello montado nunha superficie con auga. Fan a acción de bombear
para extraer auga e logo bombeala fora do surtidor.
No hay comentarios:
Publicar un comentario